富怡粉麵專家

营业中

休息中

工作关系刚好到北角食晏，热热地不如食碗粉，咁多款式应该不错！北角地铁站（B1或B4都可以）一出嚟行几步就到好就脚👍🏼疫情关系连粉面店都乖乖守规矩，食客之间保持距离，舖头姐姐超有礼貌同我同事量体温，食食下大家嗲两句都几放松啊！☺️今时今日体温计、酒精搓手液同「温暖的人情味」真系唔少得！人情味小店就系有商有量💞原本个餐只有牛腩猪手，但我心血来潮想食牛筋牛肚，姐姐话加啲钱都可以做到（希望佢无好觉得我好麻烦啦哈哈），重点系个面十分但我唔会夹口，亦无碱水味，猪手非常入味软糯，牛腩都系入口即溶，果然系镇店菜式！到咗墙上推介炸鲮鱼球（$30）一共6粒，还不错吧！可以炸得更脆身。同事就食墨鱼头云吞米粉。份量好足，搭埋墨鱼须同嘴，云吞好足料（见下图）鲜虾好大只！墨鱼食得出好弹牙，正！炸鱼皮，厚薄均匀无「油益」味，香港买少见少了。好惊讶连羊腩煲都有哈哈！不过太饱了，好像下次黎试下个羊腩粉。其实香港真系仲有好多小店值得帮衬，唔好理咩颜色，大家环环相扣，自己经济自己救，希望大家都健健康康，百业兴旺啦。