半島冰室

营业中

休息中

半岛冰室真系长期有人龙，平日排队、假日更加要排队。两点下午茶时间有人龙，起码要等20-30分钟。舖头细，座位都比较迫，食客、侍应人来人往。虽然系茶记，侍应相当有礼貌，唔催落单唔催走人，而且落单、上菜好快手，好欣赏！半岛冰室嘅公司三明治、番茄焗猪扒饭都好出名，下次再试！*下午茶：芝士煎蛋猪扒包 $35两点就开始下午茶时间，印象中猪扒包都系半岛冰室嘅名物。猪扒厚度有1cm，完全冇落松肉粉，肉丝分明，但唔会太干，食到猪扒嘅猪肉香。中间夹馅夹芝士酱汁、煎半熟蛋，蛋汁配芝士汁，好正又好夹。猪仔包烘得略干，就算配汁都比较干。印尼捞面 +$8就系印尼捞面嘅味道，大食嘅人绝对叫得过。红豆冰 +$8红豆粒粒分明，微甜好够腍，但椰汁好淡，可能系啲冰融得太快又沟淡咗。