影片
更多
2018-08-12
73 浏览
今次黎到位于北角既小城镇度食西式晚餐，餐厅既位置都算方便，系北角地铁站行10分钟就到。佢系系明园西街既其中一条小巷入面，我同朋友行左两次先揾到，各位要眼利少少先会睇到。餐厅既装修以怀旧欧陆风为主，墙身既砖头同埋天花吊落黎既电灯泡都好贴切。木枱贴配搭上铁椅，以至佢既摆设都好复古，睇得出老板有用心布置餐厅。我尤其钟意墙上面既道路铁牌同埋有餐厅名既霓虹灯灯箱，系餐厅既打卡位。好欣赏既系老板同员工既态度都好好，员工好细心，而老板就每一枱客人都亲自打招呼，真系要俾个like!招牌猪肋骨配炸薯角第一样叫既主食系招牌猪肋骨配炸薯角，不得不提既系小城镇既main course每一样个份量都好大，大部分女生应该食唔哂一个主食。依个招牌肋骨一黎到个阵有少少失望，因为个买相比较干。但系切开食落发现原来啲肉汗锁哂系啲肉同骨之间。火喉控制方面都唔错，切既时候都唔会好辛苦，好易就将骨肉分开。系肋骨上面既BBQ酱惹味得黎又好香，闻得出系用唔同香料烹调而成。炸薯角虽然听落无咩特别，但餐厅将佢炸到好松化，落既调味亦唔会太重，食得出佢原本既薯味。10oz安格斯肉眼扒配薯条（黑椒汁 5成熟）另外我地都叫左10oz安格斯肉眼
招牌猪肋骨配炸薯角
第一样叫既主食系招牌猪肋骨配炸薯角，不得不提既系小城镇既main course每一样个份量都好大，大部分女生应该食唔哂一个主食。依个招牌肋骨一黎到个阵有少少失望，因为个买相比较干。但系切开食落发现原来啲肉汗锁哂系啲肉同骨之间。火喉控制方面都唔错，切既时候都唔会好辛苦，好易就将骨肉分开。系肋骨上面既BBQ酱惹味得黎又好香，闻得出系用唔同香料烹调而成。炸薯角虽然听落无咩特别，但餐厅将佢炸到好松化，落既调味亦唔会太重，食得出佢原本既薯味。
10oz安格斯肉眼扒配薯条（黑椒汁 5成熟）
另外我地都叫左10oz安格斯肉眼扒配薯条，同上面一样，块牛排份量都系好足，系真系10安士。我地叫左五成熟，牛排既火喉控制唔错，牛排本身未落黑椒汁己经好juicy，一切既时候d肉汁留哂出黎。食落块牛排好淋好松软，加上用左盐同黑椒调味，未落黑椒汁个味道已经好丰富。之后再试埋黑椒汁，又系另一种体验。同样都系用左香料炮制，加上黑椒既辣味真系令人回味。可惜既系配菜薯条又唔脆味道又无咩惊喜，系扣左少少分。整体黎讲个牛排都系好有惊喜，绝对值得一试！
+$18超值升级
是日餐汤
苹果汁
特浓朱古力（冷饮）
另外我地加左$18蚊升级左餐汤同埋两杯饮品。餐汤系南瓜浓汤配蒜蓉包，饮品我地叫左苹果汁同特浓朱古力。南瓜浓汤加上萝卜粒口味清新，南瓜味好够浓，沾埋个蒜蓉包一齐食都好夹。虽然蒜蓉包烤得太耐有少少黑色破坏左卖相，但味道依然好好。苹果汁中规中矩，特浓朱古力上面加左cream,令到口感更滑顺，加上朱古力唔系太甜，非常值得升级套餐试一试。
白酒忌廉烩青口
最后就系白酒忌廉烩青口，道菜一黎既时间已经觉得好香，闻到白酒加埋忌廉既香味好浓烈。青口加埋忌廉同黑椒，仲有青红椒衬托，卖相唔错。虽然唔系新鲜青口，少左阵鲜味，但系胜在忌廉够浓郁，加埋黑椒既少量辣味有画龙点精既作用。虽然依道青口唔系主食，但份量一样咁多。
张贴
