Orange Elephant Thai Restaurant (和富) (已結業)

放完圣诞长假期今日要收拾心情返工喇，屋企今晚冇煮饭，我话事就拣食泰国野啦✌🏻去咗和富中心嘅「Orange Elephant Thai Restaurant」，餐厅装修充满东南亚泰式风情，位置宽敞，门口仲有甜品部，而星期一至日每日都有唔同嘅$1特价菜式，乌头鱼、炸猪扒、沙律、通菜、炸虾饼、咖喱鸡等等👍🏻 认真抵食🤩泰式拼盘有虾饼、春卷、鱼饼、香叶包鸡共四款，炸虾饼金黄酥脆，虾肉爽口弹牙，春卷皮薄香脆，包住粉条、木耳、红萝卜丝，馅料非常丰富，炸鱼饼味道辣辣地，里面加入青豆角粒带有柠檬叶嘅香味，点上泰式辣酱别有一番风味，香叶包鸡大大件，鸡肉紧致而有弹性，班兰叶嘅香味渗入鸡肉之中，香浓可口泰式卤水猪髀卤得够晒入味，软稔嘅猪髀肉肉质松化，连同QQ弹弹嘅猪皮一齐食，满满嘅骨胶原，口感肥而不腻，香浓嘅酱汁最适合配上一碗白饭👍🏻咖喱海鲜脆包盅香脆嘅面包配上蛋香味浓嘅黄咖喱，里面加入大量海鲜，材料丰富，有虾仁、鱼柳、青口、鱿鱼、青椒、红椒、洋葱、唐芹，店家亦好贴心提供铰剪可以剪开面包点上咖喱汁，每一啖都充满椰香，推介👍🏻芒果冰砖以新鲜芒果、牛奶雪花冰、芒果雪糕、椰汁糯米饭制成，可以根据自己嘅喜好加入芒果