影片
更多
2022-05-05
921 浏览
假期去咗呢间酒店staycation，package包咗呢个西式套餐，原价一位要$468，仲要另收加一，真系都几高级几贵㗎，重点系可以望住个海景食饭！Lunch set $468一位，包头盘，餐包，餐汤，主菜，甜品，饮品，另收加一。🥖餐包 (7/10)餐包有翻热过，有三种面包，法包，两个圆形面包，其中一个系有燕麦喺里面，都外脆内软，唔错的。配左三个酱，分别系橄榄油，牛油，香草酱，橄榄油都几香，牛油正正常常，香草酱系几好食，好浓烈嘅香草味道，口感丰富啲，咸香！原来面包已经算几好食！🍴餐汤 (7/10)餐汤系忌廉蘑菇汤配芝士法包，芝士法包嘅芝士好硬好干，放得太耐啦，芝士味好咸香，不过整体个法包都好硬又冻晒，口感上都差啲。忌廉蘑菇汤上面放咗两种油，唔系好明点解要放两种，可能想口感丰富啲？但令到个汤饮落都好油腻，本身个汤嘅蘑菇都几香浓，蘑菇好碎，忌廉味唔重，呢一点有少少扣分🤣🍴慢煮猪腩肉配青豆蓉及法国芥末籽汁 (5/10)猪腩肉系冇乜味道，亦都冇油香，上面嘅脆皮都唔脆，肉质软烂，似用咗好多个钟头去煮嘅肉(煲完汤冇味𠮶种)，青豆蓉同埋芥末汁都提升唔到个味道，冇乜肉味冇咩味道，都几失望🥹🍴 厨师推
Lunch set $468一位，包头盘，餐包，餐汤，主菜，甜品，饮品，另收加一。
🥖餐包 (7/10)
餐包有翻热过，有三种面包，法包，两个圆形面包，其中一个系有燕麦喺里面，都外脆内软，唔错的。配左三个酱，分别系橄榄油，牛油，香草酱，橄榄油都几香，牛油正正常常，香草酱系几好食，好浓烈嘅香草味道，口感丰富啲，咸香！
原来面包已经算几好食！
🍴餐汤 (7/10)
餐汤系忌廉蘑菇汤配芝士法包，芝士法包嘅芝士好硬好干，放得太耐啦，芝士味好咸香，不过整体个法包都好硬又冻晒，口感上都差啲。忌廉蘑菇汤上面放咗两种油，唔系好明点解要放两种，可能想口感丰富啲？但令到个汤饮落都好油腻，
本身个汤嘅蘑菇都几香浓，蘑菇好碎，忌廉味唔重，呢一点有少少扣分🤣
🍴慢煮猪腩肉配青豆蓉及法国芥末籽汁 (5/10)
猪腩肉系冇乜味道，亦都冇油香，上面嘅脆皮都唔脆，肉质软烂，似用咗好多个钟头去煮嘅肉(煲完汤冇味𠮶种)，青豆蓉同埋芥末汁都提升唔到个味道，冇乜肉味冇咩味道，都几失望🥹
🍴 厨师推荐沙律 吞拿鱼他他 (0/10)
真系食咗一啖就食唔到，吞拿鱼劲唔新鲜，似放咗劲耐，超级腥🤢捞埋啲酸汁同埋牛油果酱真系更加腥臭🫠不了，放唔到入口。
🍴 红酒烩美国牛面烦肉配薯蓉及烤蒜 (7.5/10)
呢个算系最好食嘅一碟，牛面颊肉好细旧，两啖就冇咗，份量真系比较少。牛面颊肉好软淋，带有少少嘅红酒咸香味，面颊肉有软筯，好似食紧牛展咁，薯蓉好香奶油味打得好细滑，整体来讲都几唔错！
🍴蟹肉意式蛋面配松子仁 (6/10)
成个面剩系得几粒松子，蟹肉同埋面，蕃茄系配菜，第一啖已经食过蟹壳，真点「新鲜」😂蛋面好轻盈，好易咬断，冇咩口感，亦冇咩蛋味，蟹肉比较咸香，但都冇咩鲜味，加埋啲蕃茄嘅酸味，成个面真系普通到冇得再普通，称唔上好食🫠
🍴复活节甘笋蛋糕配奶油芝士 (2/10)
个蛋糕奇怪到极点，明白复活节想搞搞新意思，但个蛋糕真系食一啖唔想再食落去…….真系早知要雪糕冇咁嬲！蛋糕口感湿润得嚟松散，好似食紧蛋糕碎咁，一粒粒好粗糙，食唔到甘笋嘅味道，奶油芝士味好淡，𠮶两条小嘅红萝卜面粉系甜甜地冇咩特别🥲真心整个蛋糕难食到不得了。
🍴咖啡 (3/10)
咖啡质素都系好差，饮第一啖会feel到好强烈好浓咖啡味好香，但个后劲都好强，超级苦，个口Feel到一浸酸味，饮完之后喉咙会有少少干涸唔舒服。饮咗一啖再冇饮过🥲
推荐指数: 4/10
影相打卡望海景就OK，食物质素真系好差，难食过出面求其一间西餐厅，四百几蚊一个人去食真系会想喊，用$400食放题或者其他自助餐会开心啲。PS: 3分系俾个景🥺
张贴
