Lost in Thai (已結業)

今次呢开餐厅，系太子站附近，地铁站一出行几分钟就到，非常就脚😊。餐厅全晚都客人不断，仲已经有好多订座，相信系社区内，应该相当有人气👍🏻。店面唔算好大，但坐得相当舒服，朋友间聚会，或者家庭饭聚都好适合👍🏻。⭐️椰汁虎虾汤大大煲汤，椰汁味浓郁，酸酸地，好开胃。汤入面仲有好多菇同菜，有两只好大嘅虾，餐前饮一碗，又暖又开胃🥰。⭐️沙嗲串 - 猪牛鸡沙嗲汁几惹味，最出色系个猪肉，好有肉味，肉质嫩滑多汁👍🏻。⭐️泰式菠萝柚子沙律原来沙律入边有两三只大虾🥰，柚子加菠萝又唔会好酸，反而酸酸甜甜咁，食咗浓味嘅嘢，食返呢个沙律，清清口腔都几好😬。⭐️香叶炒泰式脆腩肉呢道菜就有啲辣辣地，带啲蒜头同椒盐嘅味道，脆腩皮既部分炸得好香口，不过个肉如果再厚身啲同肥啲，成个口感会再juicy啲同嫩滑啲。⭐️泰式奶茶(有熊bear bear🥰)用咗太泰式嘅银色器皿，装住嘅泰式奶茶，净系个样都好有风味，再加上有只熊啤啤，卖相好得意。味道都好好，有泰式奶茶嘅茶香，甜度都啱啱好，食咗辣嘢，饮返个泰式奶茶解下辣，就最啱啦❤️。