神

营业中

休息中

同日本啲拉面店一样，喺门口用自助机点餐比完钱就会出饭劵，入店内比店员坐定定就有得食喇！店内嘅自助吧只要嗌咗嘢食就可以享用，包括沙律、白饭、罗宋汤、青柠水任饮！调味料款式超过10款以上，性价比都几高！☄️牛柳300g（$128）牛柳食落有咬口得嚟又唔会太靭，食落去腌料味道唔会好浓，唔会盖过哂牛嘅味道，整体表现个人觉得对得起价钱！☄️安格斯牛400g（$198）对比起牛柳，安格斯牛就真系有少少令人失望。牛嘅肉质比较硬，食落有啲靭同带有少少骚。餐厅舖面虽然细，不过除咗嘢饮得水同青柠水两样之外，自助吧嘅嘢款式都算多。白饭仲有饭素比大家拣，罗宋汤都落足料，随手一羹都系满满嘅牛腩，算系几有惊喜。