爺爺雞煲皇 (彩虹道)

营业中

休息中

呢间出名食鸡煲，无谂过晏就碟头饭，无论系价钱同食物味道同样吸引，令我胃口大开，下次去新蒲岗食晏都会黎呢间试其他野食呢！员工服务方面令客人觉得好窝心，好舒服，会主动帮助客人，抵赞！京都猪扒饭 ($38 - 唔连野饮) : 首先讲酱汁，颜色吸引，味道调配得不错，虽然陈醋味道并唔重，但酸度甜度适中，令人食指大动。份量方面，岩岩好，足够可以送到一碟饭。具体黎讲，味道好似姜味唔浓既猪脚姜。猪扒方面，份量几多，有6旧，肉质软淋，唔多肥肉，唔重梳打分味，好食。白饭软硬度做得恰到好处，烟un软熟，粒粒分明，并唔会有一大旧痴埋既情况。值得一赞既系京都猪扒同饭系分开上，令客人可以自行决定加几多酱汁黎送饭，可以避免酱汁过多，令客人食滞既情况。