茶語

营业中

休息中

同屋企人经过昌运中心， 见到有间台式餐厅， 印像中呢间台式餐厅大概开咗几个月， 经过门口见到餐牌有梳乎厘食所以入咗去试.餐厅环境整齐干净， 餐厅有提供自助斟水机同埋有纸巾供应， 好细心。我哋叫咗个芝士蛋饼， 好足料， 足料到可以做到拉丝， 应该系用咗mozzarella cheese。叫咗个肥牛米线， d面煮得唔太淋， 虽然系用肥牛不过食落去唔算好肥腻炸猪扒卤肉饭首先个卤肉饭会跟一个腌芽菜， 有少少辣同埋麻油味。 个炸猪扒个面层好松脆， 啲肉都唔会好老， 唔会有松肉粉味。 跟住个卤肉饭， 首先我自己觉得食卤肉饭𠮶时最紧要够多酱， 最怕捞晒啲酱得返白饭， 呢度啲份量都好多 ，同埋个味都教得好好。餐饮跟咗杯黑糖珍珠奶茶同埋芋头奶绿黑糖呢杯会甜少少，但系味道唔错，够多珍珠芋头奶绿好足料， 因为起码有三分一杯系芋头蓉， 所以饮完都几饱肚绿茶红豆梳乎厘食落个质感松软， 好有蛋味， 夹埋啲红豆食好正。