金鶴拉麵 (九龍城道) (已結業)

偶然间发现这家新开的拉面店，竟然开在街市的最尾，实在有够大胆的，餐厅门面几靓，就试一试佢。一入去见到一排吧枱，以为小店就这么小，原来内有干坤，上几级楼梯仲有个颇大既空间。有别于多数的拉面店以暖色系作装修，呢度比灯光较暗，亦以灰黑色作主调，配上一啲铜色镜面，感觉较型格。夜晚七点左右黎，唔算太多客，可能餐厅都系比较新，唔系太多人识。望下餐牌，有几款唔同汤底的拉面、沾面，仲有鳗鱼饭同几款小食。招牌系鸡白汤拉面（$98），就试一试。以旧区黎讲，呢个价钱系有啲进取。等左一阵，终于有野食喇。卖相相当精致，面上放左一撮炸牛蒡，店员好细心咁提供左小碗，如果想慢慢食牛蒡可以先放系小碗，以防浸系汤太耐会淋晒。除左炸牛蒡之外，仲有半只溏心蛋，两片叉烧，同埋一大片慢煮鸡肉，配料相当丰富。奶白色的鸡汤好浓郁，不会好似猪骨汤咁腻，饮落顺喉。先试炸牛蒡，平时好少会食呢样野，炸完又几香口㖞。面条系粗面，软硬度煮得刚好。慢煮鸡肉煮得刚刚好，唔会好干硬，好嫩滑有弹性。反而叉烧不算太香，偏瘦一点。溏心蛋都算入味，可以再流心多啲，但都好好味。