影片
更多
2024-06-21
16 浏览
串烧款式好多，menu有成过百款，仲有不同口味风格， 主要系日式，又可以拣泰式、韩式、新疆或川味，搞到选择困难症发作🤣 价钱唔算好贵，大多数都系廿几蚊串，份量亦合理。整体味道都唔错，唔系个啲用超多孜然粉盖过晒食材味道唔知食紧乜嘅串烧。🔸 精选烧肉 盐烧和牛牛小排 $48牛小排肉质扎实较瘦，有牛肉嘅甜香味，一串有3大片烧香牛肉👍🏻盐烧A4宫崎和牛 $58 A4和牛入口即溶，明显比起牛小排油脂感重好多，咬落直头爆晒油，极重牛脂油香。 有点岩盐喺烧肉面头简单调味更突出和牛牛味😋厚切盐烧牛舌拖罗 $48爽口同冇牛骚味，厚切牛舌口感爽口肥美juicy泰式猪颈肉 $28焦脆肉香！烧得唔会韧，咬落有肥肥哋嘅油脂，蘸上啲泰式甜辣酱嚟食就好有泰国美食滋味。味道：8/10性价比：7/10🔸 烧海鲜 蒜蓉烧广岛蚝 两只 / $44烧得火候啱啱好，唔会过火，两只鲜蚝都好好味，尤其配咗好多惹味嘅蒜蓉，相当美味。浜烧活元贝 $58元具肉质饱满，就系原始方式直接利用贝壳隔火烧，上枱滚热辣，入口带有海水矿物咸味。盐烧红衫鱼 $32细条红衫鱼仔烧得好有咸香味，只系刚刚烧熟，鱼肉仍然好鲜嫩，味道系比较咸嘅，师傅将条
🔸 精选烧肉
盐烧和牛牛小排 $48
牛小排肉质扎实较瘦，有牛肉嘅甜香味，一串有3大片烧香牛肉
👍🏻盐烧A4宫崎和牛 $58
A4和牛入口即溶，明显比起牛小排油脂感重好多，咬落直头爆晒油，极重牛脂油香。 有点岩盐喺烧肉面头简单调味更突出和牛牛味😋
厚切盐烧牛舌拖罗 $48
爽口同冇牛骚味，厚切牛舌口感爽口肥美juicy
泰式猪颈肉 $28
焦脆肉香！烧得唔会韧，咬落有肥肥哋嘅油脂，蘸上啲泰式甜辣酱嚟食就好有泰国美食滋味。
味道：8/10
性价比：7/10
🔸 烧海鲜
蒜蓉烧广岛蚝 两只 / $44
烧得火候啱啱好，唔会过火，两只鲜蚝都好好味，尤其配咗好多惹味嘅蒜蓉，相当美味。
浜烧活元贝 $58
元具肉质饱满，就系原始方式直接利用贝壳隔火烧，上枱滚热辣，入口带有海水矿物咸味。
盐烧红衫鱼 $32
细条红衫鱼仔烧得好有咸香味，只系刚刚烧熟，鱼肉仍然好鲜嫩，味道系比较咸嘅，师傅将条鱼尾都烧得好香脆，可以食埋，正😋
味道：8/10
性价比：7/10
🔸 精选 烧鸟
盐烧阿波尾七里香 $22
呢个就系将个鸡箩柚烧香佢，畀到你三重口味，面头嘅鸡皮系烧得脆口嘅，中间有一片好似啫喱咁嘅鸡油淋bet bet，里面就系少少烟韧嘅鸡肉，整得干净唔会有骚味。
盐烧赤鸡颈肉 $22
有好香鸡肉味，鸡颈肉比较嫩口，唔会柴。
汁烧新鲜鸡肝 $28
鸡肝有鲜味，件头较大，热食会好啲。
明太子鸡腿肉 $28
肉质正常，唔会太老鞋口，比想像中大串厚肉，鸡肉本身调味偏淡，味道主要靠表面嘅明太子酱。
味道：7/10
性价比：7/10
🔸 焦糖青苹果鹅肝多士 $108
一大片烧鹅肝表面已经烧得焦香，淋咗一啲焦糖系面头，下面就系一大块青苹果垫住多士打底，用嚟拌住嫩滑美味鹅肝一齐食，有几层口感味道。
味道：9/10
性价比：7/10
▪️
🔹环境： 采用 和风木系简洁装修，十分干净企理，座位宽敞，餐厅一直播住好轻快有爵士feel嘅欧西流行歌曲😚情调一流。
张贴
