一豊 (已結業)

天水围一向都比较少日本菜餐厅，区内选择少既情况下，好多人都会宁愿搭程车落元朗，但最近发现左天耀商场入面有间「一豊」，水准拍得上出面既日本菜，一洗天水围美食沙漠既颓名。焗西兰花用左爆多芝士焗制，而且味道浓郁，口感丰富。日式大阪烧区内应该得佢一间有，木鱼丝同埋沙律酱落得重手唔度缩，好味！盐烧牛舌唔系薄切，旧旧厚身，而且火候控制得宜，油脂分布平均，系水准之作。北海寿司拼盘最抵食，百几蚊有晒唔同种类既寿司，而且师傅有心机，唔系就咁放块鱼生落去就算，面头有黑松露、柚子酱等令寿司味道更加有层次，鲜味更加突出。总括黎讲，一豊可以话系区内性价比较高既日本菜，而且距离西铁站较近，来到天水围既朋友可以一试。