新坤盛食堂

营业中

休息中

星期六又要返工，咁就梗系要食返个醒神早餐先，黄竹坑选择真系唔多，连一间连锁食肆都冇，茶餐厅又低质素，比较高质少少又好贵。今次就去试另一间茶记，睇到餐牌其实觉得几吸引，于是就嗌咗份最贵嘅早餐，鸡扒双太阳蛋多士加叉烧通，饮品就拣茶走，盛惠46蚊。鸡扒卖相唔多吸引，不过食落都有腌味，太阳蛋合格，多士唔够热唔够脆。至于个叉烧通，完全唔掂，叉烧冇味，食落好似食擦胶咁，通粉汤底淡而无味。好彩杯茶走都几好饮，茶味够浓！整体嚟讲，46蚊真系贵，如果有大快活大家乐，我一定唔会再食黄竹坑区嘅茶记，真系太失望。喺黄竹坑返工嘅朋友，都系带饭好过啦。