越欣 (已結業)

早排第三波疫情,其实都多左买返公司食,公司就在佢附近,其实佢开左好几个月,有次路过见佢都好多外卖放左近门口,所以有勇气一试!首次试系扎肉鸡丝檬,第一赞系效率,佢地厨房系无停手架!但系ORDER后大约5-6分钟就比到我,好惊讶!一打开,配料劲足唔在讲,卖相都好靓(SORRY因为太饿完全无影相)味道黎讲,汤底一流!白萝卜一大旧,生菜丝,萝卜丝切得幼细,真系似食紧高档既越南菜!萝卜好林好甜同入味!最后全个餐扫清!跟住下次就试佢虾饼捞檬,又系高水准!(贵4蚊),仲有加一个𩠌系炸鸡翼既话,佢地会分开装,唔怕浸淋哂,好细心!老板又好好,叫佢比多包酸汁唔会托手踭,唔会另收价钱!40蚊一餐有超水准既越南汤檬,包埋一杯热饮,抵到爆!估唔到小区都有咁高质素既越菜!值得推介呀!!!