影片
更多
2007-12-03
17 浏览
最近嘅生活除咗工作之外，还是工作。虽然揾到嘅钱勉勉强强都叫做过得去，但系生活质素下降咗，原因系冇以前咁多时间去品尝各餐厅嘅美食。刚过咗嘅星期一系我同阿K拍拖三周年纪念，亦系结婚之前最后一次拍拖周年纪念，所以我预先订咗之前一日(即十一月二十五日嘅星期日)一间意大利餐厅食一个午市自助餐。呢间位于帝苑酒店入面嘅餐厅可谓本地最有名嘅几间意大利餐厅其中之一，主持人之一Francesco Sabatini 响大约十五年前响呢度开咗全球第三间分店。是日有幸响呢间餐厅巧遇呢位主持人，仲亲自奉上主菜比我地。虽然我地同佢冇乜两句，但系见佢同埋其他熟客有倾有讲，交流饮食心得；不断提点餐厅经理点样服侍客人，点样放好食物，呢份对食嘅执著、热情，已经值得我响服务呢一环俾满分。其他人员见老板咁亲力亲为，亦都不敢怠慢。(题外话：这里有不少熟客帮衬，其中一位仲系过去十年嚟每个星期日都会嚟呢度食lunch buffet。餐厅装修富有地道意大利乡村小屋嘅特色，仿木(可能系真木)嘅柱同埋横梁，色彩丰富嘅抛光瓷砖，简洁嘅餐台布置，再望向buffet bar 嘅食物器皿，图案十分精致，撇开里面嘅食物，单系呢啲器皿就已经系一件艺术
呢间位于帝苑酒店入面嘅餐厅可谓本地最有名嘅几间意大利餐厅其中之一，主持人之一Francesco Sabatini 响大约十五年前响呢度开咗全球第三间分店。是日有幸响呢间餐厅巧遇呢位主持人，仲亲自奉上主菜比我地。虽然我地同佢冇乜两句，但系见佢同埋其他熟客有倾有讲，交流饮食心得；不断提点餐厅经理点样服侍客人，点样放好食物，呢份对食嘅执著、热情，已经值得我响服务呢一环俾满分。其他人员见老板咁亲力亲为，亦都不敢怠慢。(题外话：这里有不少熟客帮衬，其中一位仲系过去十年嚟每个星期日都会嚟呢度食lunch buffet。
餐厅装修富有地道意大利乡村小屋嘅特色，仿木(可能系真木)嘅柱同埋横梁，色彩丰富嘅抛光瓷砖，简洁嘅餐台布置，再望向buffet bar 嘅食物器皿，图案十分精致，撇开里面嘅食物，单系呢啲器皿就已经系一件艺术品。食物选材亦上乘，巴马火腿配上蜜瓜，要几多就可以食几多；海鲜包括有龙虾、生虾、蟹脚等。这里稍嫌美中不足嘅就系龙虾味道普通，要扣少少分；不过蟹脚就十分新鲜，隐约仲有一阵海水味。Buffet bar 嘅食物固然吸引，放响台上面嘅餐前食都毫不逊色，细细如一件面包，亦睇得出师傅系下咗唔少功夫，尤其系那一块有蕃茄响面嘅面包，食落有啲似薄饼咁，食完还想再食多一块。不过为咗之后嘅美食，都系忍一忍为妙。
呢个lunch buffet，其实系一个semi-buffet，cold cut、appetizer等放响buffet bar任食之外，仲可以无限次同侍应落order食呢度嘅意粉。讲起意粉，呢度可说是数一数二，意粉身煮得非常之有口感，十分弹牙，就算放耐咗质地一啲都唔会走样；阿K叫咗一个「黑松露忌廉意粉」，忌廉汁非一般滞肚，还有黑松露那种无法伪装嘅独有香气。如果唔系惊眼阔肚窄，我完全谂唔到有乜嘢理由唔再嗌多一客。不过留肚还留肚，食吓食吓，已经大半饱，几乎唔记得我地连主菜都未食。
主菜有鱼、羊、牛、猪等选择，我就叫咗呢度享负盛名嘅「烧羊架」；阿K就叫咗一客煎鲈鱼。首先讲吓鲈鱼，食入口嘅质地，我只能用个「爽脆」嚟形容，爽脆嘅原因，唔系话因为煎过，而系条鱼本身嘅肉质已经系咁，咬落真系「索索声」。另一方面，羊架烧得非常出色，完全冇投诉嘅机会。用餐叉一拮，会感觉到块羊架被一层薄薄带少少脆嘅外皮包括，再用力深入一拮，会惊觉里面软绵绵，而且感觉到入面蕴含丰富嘅肉汁，未食已知十分对办。将羊架切开，肉汁慢慢惨出，入口充满羊肉味，在香港可以食到咁精彩嘅羊架，我想不出五只手指之内。
食到中途，有一队注场live band巡回各餐桌献唱，我地冇乜心水歌点，阿K就请佢地唱一首佢地嘅饮歌，歌名我就无从稽考，但系其中一句「…HOW MUCH I LOVE YOU…」就唱出我对阿K嘅心声。所以，阿K当天都特别心花怒放。除咗食到好食嘅嘢之外，咁当然可以同我一齐食啦！
价钱每位四百四十蚊再加一，数字上可能有点吓人，但绝对物超所值。好简单，上等羊架响普通餐厅食都要成两、三百蚊；好味啲嘅意粉都要百零蚊左近啦！呢度仲要系任食架。拣选嘅食材优质，加上殷勤嘅服务，绝对值得一来再来。嗜杯中物嘅朋友，呢度嘅开酒费五百蚊，不过我建议选用餐厅所拣选嘅餐酒，因为餐厅会响各地搜罗美酒，部分仲系响香港其他地方揾唔到。驾车者有两小时泊车优惠。嚟呢度，要预备饱满嘅荷包，同埋空空嘅肚。
地点：尖沙咀么地道69号帝苑酒店三楼
张贴
