十三少 (已結業)

食饭前有脆脆小食咬住等又黎十三少食酸菜鱼la十三少酸菜鱼始终系我至爱，水准次次都keep到，鱼香又滑，超大盆酸菜鱼上枱好吸引，建议食法系先饮一碗酸菜鱼汤，然后就可以开始食la!除左鱼片好滑，汤中既干菇、䈑笋、酸菜都好好味呢！另外叫左麻婆豆腐，豆腐好嫩滑，肉碎好入味，叫得麻婆豆腐，当然要叫番两碗白饭𩠌饭，食麻婆豆腐𩠌饭真系秒速食晒d饭，𩠌饭一流！小食当然唔小得叫我每次都叫既椒麻皮蛋，金黄既皮蛋中蛋黄流心又香滑，配上辣辣酱油，好惹味！食完晚餐，最后食埋个甜品，红糖糍粑，perfect！糍粑软糯，沾上微甜既红糖酱，味道甜又香，完美的晚餐！