十二味不只是烤魚 (已結業)

久不久就会想食烤鱼，今晚我同男朋友去返我们岩岩拍拖果时食果间烤鱼 - 十二味不只是烤鱼！对上个次去排哂队，今次去就4成full。川式口水鸡份量以$68来讲都算多，个汁真系好惹味，而且鸡肉肉质又好嫩滑，我同男朋友都食到lam lam脷！推介！！！烤清江鱼拣左清江鱼配招牌香辣味，我地本身都食得辣，所以呢个唔算太辣。条鱼细心地一开两边，一来鱼肉会易d吸收个汤底，二来客人都易夹泥食。条鱼都几大条，鱼质都算嫩，对得起价钱。另外，可以加钱拣其他𩠌菜放落烤鱼到一齐煮。皇帝菜份量比较少，不过出街食饭就系咁，点菜食一向都唔抵食，但一餐饭冇菜又好似差d野咁。鹅肠要赞赞鹅肠洗得干净，冇乜肥膏，焯一焯就食得，好爽口。莴荀煮完之后都keep住咁甜，烤鱼同莴笋真系好match。