影片
更多
2008-01-06
6 浏览
唔知有无记错价钱, 应该系一百八十几蚊一位左右连加一.有BOOK枱, 入场时以及入场后都未满人, 走左阵吉枱更多. 后尾真系明白系咩一回事, 呢间野, 我宁愿去青叶都唔会黎. 同埋呢度D装修... 净系睇张CHAIR, 感觉都好怪, 有种去左酒楼o既错觉, 强烈建议佢用木板黎代替墙上面o个D墙纸式餐牌.可以拣o既野真系唔算太多, 呢个系意料之内. 不过...第一, 佢第一ROUND点菜纸黎左大半之后, 个厨房已经唔太想出野, 个情况好似便秘咁, 系唔出就系唔出... (|||) 一枱四人非常无奈, 我地第一ROUND叫o既鱼生饭追左差唔多个几钟先有得食, 仲未计由头追到尾结果都无到o既手卷. 无, 唔紧要, 咪讲啰! 青叶呢D街坊店都做到o既野, 呢度竟然做唔到, 枉呢度仲系尖咀!第二, 佢D份量好有问题. 一份鲭鱼, 竟然有两只手掌咁长, 叫人点食得晒? 一份牛油炒杂菇, 都要四个人先食得晒. 煎炸类o既野明明一份就出四份, 永远系出多o既. 刺身呢? 你写十件就永远唔够十件! 手卷一件都无到过全部俾人飞晒单. 明眼人都睇得出系咩一回事, 煎炸野系好易饱o既, 所以刺身又可以悭返毕.
有BOOK枱, 入场时以及入场后都未满人, 走左阵吉枱更多. 后尾真系明白系咩一回事, 呢间野, 我宁愿去青叶都唔会黎. 同埋呢度D装修... 净系睇张CHAIR, 感觉都好怪, 有种去左酒楼o既错觉, 强烈建议佢用木板黎代替墙上面o个D墙纸式餐牌.
可以拣o既野真系唔算太多, 呢个系意料之内. 不过...
第一, 佢第一ROUND点菜纸黎左大半之后, 个厨房已经唔太想出野, 个情况好似便秘咁, 系唔出就系唔出... (|||) 一枱四人非常无奈, 我地第一ROUND叫o既鱼生饭追左差唔多个几钟先有得食, 仲未计由头追到尾结果都无到o既手卷. 无, 唔紧要, 咪讲啰! 青叶呢D街坊店都做到o既野, 呢度竟然做唔到, 枉呢度仲系尖咀!
第二, 佢D份量好有问题. 一份鲭鱼, 竟然有两只手掌咁长, 叫人点食得晒? 一份牛油炒杂菇, 都要四个人先食得晒. 煎炸类o既野明明一份就出四份, 永远系出多o既. 刺身呢? 你写十件就永远唔够十件! 手卷一件都无到过全部俾人飞晒单. 明眼人都睇得出系咩一回事, 煎炸野系好易饱o既, 所以刺身又可以悭返毕. 做得日式放题, 呢种行销策略好可耻.
第三, 原本期望呢度o既刺身会有好o既质素... o拿, 已经限住出, 应该唔错, 系咪? 但事实往往令人失望.
第四, 佢有搞生日派对活动... 我系人地约黎o既所以我真系对此一无所知. 见鬼, 食食o下野无端端熄灯我仲以为停电火烛, 原来因为有人生日要吹蜡烛... 我系黎食野无谂过要同人地庆生, 亦无义务同人地庆生, 我强烈建议呢家店顾虑o下其他顾客o既心情... 佢地入房庆生熄晒灯耍盲鸡我唔理, 但大家坐埋一个厅真系影响到我!
第五, 再讲即使会口臭我都要讲! 我见证左呢度o既侍应如同先前o既食评一样, 真系完全玩乐feel 唔使做咁o既野样, 如果唔系佢仲会倾偈我会以为佢地系纸牌黎! 无错, 佢地宁愿倾偈都唔会过黎收点菜纸, 向佢追单追极都唔会追到!
为左证明我唔系打手, 我只好痛苦咁揾出一两个好处俾大家睇睇...
咳, 侍应系唔收点菜纸唔识追单, 但系佢收碗收得好快, 亦走得好快!
咳, 汽水上得好快, 你俾佢一个空罐佢就会问你下一罐饮咩, 反应够快! (食开日式放题就知道饮汽水真系好快饱的...)
咳, 呢度D吉烈xx类食物系真材实料, 天妇罗反而无呢个咁好! 焗青口系唯一一味叫完又叫, 而且真系会出得到o既野, 值得一试!
咳, 埋单速度亦系一绝, 唔错!
不过结论依然系唔值得推荐, 奉劝大家过节千祈唔好去, 以免失望而归!
张贴