十二鍋 (已結業)

突然间好想食寿喜烧锅，然后就揾到呢间一人一锅。顾名思义即系店舖会提供十二种口味嘅火锅，而其中第十二锅就会系期间限定，当日就系浓郁芫荽锅。晚市套餐($115)会有火锅、饭或粉丝同指定饮品。芝士竹轮寿喜烧锅寿喜烧汤底味道正常，再浓郁啲会更好。锅内配料款式好多，夹埋有成十几款，包括牛肉、蟹棒、芝士竹轮、蛋饺等。粉丝口感非常好，就算煮耐咗都唔会好淋。但份量就唔多，肚饿嘅话都系建议食饭。台式沙茶牛肉锅沙茶汤底系愈食愈浓，食到底仲觉得有啲咸味，而且都比较油。配料大致上同寿喜烧锅差唔多，比较特别嘅系有爆汁牛丸同芋泥贡丸。牛丸多汁弹牙，贡丸嘅芋头味好香好突出。台式麻辣鸭血 $38鸭血大小适中，咬落几Q弹，味道都几辣且带有少许麻香味，食落唔会有腥味。