影片
更多
2014-02-15
5376 浏览
大时大节少不免要花些少钱去庆祝。本来呢D开心钱只要花得起同埋食得开心一D问题都冇，只不过当晚既所见所闻真系令我眼界大开！是晚book左食2nd round 8.30pm果场，虽然已经早左十五分钟，但人已经开始多，到差唔多八点半既时候人龙更加弦绵大半条街，非常壮观！虽然系咁，门口果位侍应姐姐依然叹慢版，放人入去既速度慢过乜咁，好彩因为我地早到既关系，唔够五分钟已经喺个位到坐底。一入到去已经心知不妙，因为重有成1/3上半场既人都重未食完，甚至有D既main course重系啱啱先到添，连累到好多情侣要喺寒风同问候声中喺条街等呀等！如是者，一直斋坐咗差唔多半个钟头，等大部份人都有位坐低之后终于有水饮，而之后一直都无人show过我同埋附近几枱既人，直至隔离枱既师姐发晒脾气咁佢地先终于上头盘。香煎登杰莱斯蟹饼伴大虾配香草忌廉汁︰整体尚算唔错，虽然一食已经食得出系一早整定既残废餐，但系蟹饼表面都算松化，蟹肉亦都口感唔错。而大虾肉质就相对失色，一口就食得出一D都唔新鲜，只系用甜都乜咁既忌廉汁去遮盖食物质素既不足。烟三文鱼田园沙律︰Overall质素一般，无乜难度可言，唯一要赞既系烟三文鱼既取材尚算唔
一入到去已经心知不妙，因为重有成1/3上半场既人都重未食完，甚至有D既main course重系啱啱先到添，连累到好多情侣要喺寒风同问候声中喺条街等呀等！如是者，一直斋坐咗差唔多半个钟头，等大部份人都有位坐低之后终于有水饮，而之后一直都无人show过我同埋附近几枱既人，直至隔离枱既师姐发晒脾气咁佢地先终于上头盘。
香煎登杰莱斯蟹饼伴大虾配香草忌廉汁︰整体尚算唔错，虽然一食已经食得出系一早整定既残废餐，但系蟹饼表面都算松化，蟹肉亦都口感唔错。而大虾肉质就相对失色，一口就食得出一D都唔新鲜，只系用甜都乜咁既忌廉汁去遮盖食物质素既不足。
烟三文鱼田园沙律︰Overall质素一般，无乜难度可言，唯一要赞既系烟三文鱼既取材尚算唔错，绝对唔似系超级市场既下价货。
黑松露野菌忌廉汤︰非常麻麻，成碗汤的咁多配料都揾唔到，老实讲Marks & Spencer既罐头汤一定俾佢好饮。而汤上面既bread stick亦都淡而无味，咬左半条已经忍唔住要吐出黎！
如是者又等了又等，大约20分钟后主菜终于黎到，点知原来呢个先系成晚恐怖经历既开始！红酒鹅肝配美国安格斯牛柳︰因为实在太太太肚饿同埋等得太耐，一上碟已经忍唔住要食啖鹅肝，点知「X街冻既」，有冇搞错！谂住再切旧牛扒试吓，一切落去见到重有少少血水，睇黎真系做到5成熟。正当我谂住食落口既时候，我发觉有D唔对路，「点解成碟野乜野烟都冇」？果然，第一口咬落去只系食得出有D微温，想必系旧扒喺厨房摆得太太太太太太耐既缘故。之后谂住试下D配菜，again，无论西兰花、车厘茄等等全部都系冻既！正当我要切第二旧冰冻既牛扒放入口之际，我真系忍唔住要爆喇，问个侍应究竟发生紧乜野事！那位蒙猪眼既四眼肥仔侍应只系冷冷的抛下一句「咁你想点」？喺冻既5成熟同热既20成熟之下，我挣扎咗30秒先屈服俾佢拎去「处理」(我get到即系reheat既意思)。
过左几分钟之后，「加工左」既制成品终于返黎喇。一如所料，本来5成熟冰冻牛扒已经变成20成熟，老麦个饱里面块免治牛肉，最激气既系碟野竟然只系得微温，唔通佢地个微波炉唔够力或者佢个「High」function setting坏左？ Anyway，喺没有办法之下，我只好硬着头皮，大啖大啖咁夹硬吞落肚算数。
New York Cheese Cake︰好好彩，食到最尾终于有D正常D既野食。整体质素十分正常，虽然冇乜惊喜但系总算冇乜「惊吓」。坦白讲，食到呢个moment已经无欲无求，只希望比D正正常常既野我食落肚已经心满意足。
餐饮方面，老实讲我觉得连屋企楼下、街口间茶记既质素都不如。咁既餐厅，喺Valentine's Day收我两位$1199重要加一，居然俾杯咁既野我饮真系觉得离晒谱！我唔系要杯靓红酒，但at least你都唔好求其到咁啦大佬！走既时候我问返个staff (即系门口带位果个亚姐)，佢话因为今晚厨房只系得4个人所以搞到一镬粥。老实讲，呢个完全唔系理由既理由我相信冇一个客会接受。单你就识起势咁接，但野你就交唔足货，如我隔离枱既人所讲「真系食Spaghetti Hoxse好过」。还好我的另一半相当体谅，甚至有D同情果D完全唔知发生乜野事既staff，但如果有D唔好彩既师兄，带左新相识既女朋友黎呢度，一心谂住食个浪漫大餐的话肯定闹分手都似！
希望餐厅可以认真咁反省下，「无咁大个头就唔好戴咁大顶帽」，明明厨房无咁既料去serve咁多客，但偏要充大头鬼。结果无错当然可以赚到盘满钵满，但咁做唔单只浪费大好既食材(那块冻扒绝对食得出系中上价货)之余更加令一众师兄师姐判你死刑，「永不录用」，何必呢？
张贴
