旺囍車仔麵 (已結業)

旺囍車仔麵好近旺角地鐵站，就係朗豪坊附近，好容易搵到。行到攰見佢個招牌又大又閃，又諗唔到食咩，就諗住入去試下啦。入到去地方唔算大，不過都有高櫈位同普通位。一望個餐牌就見到本店十大推介，叫做十全十美富貴麵。我見乜都有又係推介就叫左佢。下面有餐牌可以見到有咩餸，但我特別推介豬大腸(好入味)、靚冬菇(好滑好香)、魚片頭同蘿白(硬度岩岩好)。我配左油麵，值得試下。而我朋友叫左南乳豬手同魚肉春卷，幾香、幾有水準，配米線都唔錯既。另外仲叫左炸魚片，我鐘意浸落啲湯度先食。講起啲湯，個湯底加左腩汁，可能係啲餸有少許辣或者腩汁有啲辣，但令到個湯底好正！加埋杯落左一包糖篤到啲檸檬爛既熱檸水，超好飲😎環境正正常常，服務態度幾好，價錢係旺區算係ok，可以睇下以下餐牌，呢度落單幾特別，係用抹到既筆，餐牌好得意係板黎，幾環保。