旺囍車仔麵 (已結業)

旺囍车仔面好近旺角地铁站，就系朗豪坊附近，好容易揾到。行到攰见佢个招牌又大又闪，又谂唔到食咩，就谂住入去试下啦。入到去地方唔算大，不过都有高櫈位同普通位。一望个餐牌就见到本店十大推介，叫做十全十美富贵面。我见乜都有又系推介就叫左佢。下面有餐牌可以见到有咩𩠌，但我特别推介猪大肠(好入味)、靓冬菇(好滑好香)、鱼片头同萝白(硬度岩岩好)。我配左油面，值得试下。而我朋友叫左南乳猪手同鱼肉春卷，几香、几有水准，配米线都唔错既。另外仲叫左炸鱼片，我钟意浸落啲汤度先食。讲起啲汤，个汤底加左腩汁，可能系啲𩠌有少许辣或者腩汁有啲辣，但令到个汤底好正！加埋杯落左一包糖笃到啲柠檬烂既热柠水，超好饮😎环境正正常常，服务态度几好，价钱系旺区算系ok，可以睇下以下餐牌，呢度落单几特别，系用抹到既笔，餐牌好得意系板黎，几环保。