School Food (已結業)

其实我一向都几钟意食韩国嘢，香港亦都有不少有质素嘅韩国餐厅，但今次去完呢间school food都发现有少少中伏，应该都唔会再有下一次。今晚只系我同男朋友两个人食饭..入到餐厅其实我觉得服务质素都唔算差，因为之前睇食评好多人都话服务质素唔系咁好。因为当晚侍应生都好主动咁拎两杯水比我地..之后就同我地介绍餐牌上面嘅食物，因为我同男朋友本身都唔系好食得辣，侍应生都好有耐性同我地讲解呢款食物比较适合我哋。我地当晚点左个韩海部队同埋韩风牛仔铁锅饭。野食就真系唔抵食，大家都见到得𠮶三旧咁嘅牛仔骨就已经要$138，啲薯仔干争争，牛仔骨又银，我都唔系好明白点解会值呢一个价钱。韩海部队味道方面叫做好少少，不过都讲唔上好好食架喇！所以呢间韩国餐厅只此一次。