法國飯店

营业中

休息中

之前次次去亲黄金海岸都唔食嘢就急急脚走，今日想玩耐啲所以就决定食埋嘢！我哋就拣咗入面最靓嘅呢间高级法国菜餐厅，好彩佢系真系几高质，环境同店员嘅服务态度都非常之好👍🏻惯咗每次食西餐都一定会叫个沙律，呢个半生熟芝麻吞拿鱼伴香桃沙沙，吞拿鱼新鲜，加左芝麻更香。另外主食就叫咗蕃茄龙虾汁海鲜意大利饭嘅龙虾汁超浓郁，海鲜都劲新鲜，连埋饭捞埋一齐食，真系好滋味。而炭烧西班牙黑豚鞍排烧得刚好，有油香之余亦都唔会过于肥腻，好好食。最后仲有个黑松露野菌汤都好足料，啖啖都好香黑松露味。