金之藏 (已結業)

无意入到大坑寻找美食呢间居酒屋环境虽然不大，但系整体上十分之整洁干净，唔会俾人有种感觉系间嘢细又会污糟嘅感觉，反而系充满左日本风味嘅一间舖头。入面装饰到百分百还原我之前去日本嘅居酒屋嘅装饰👍👍最令我感到惊喜嘅系呢间小店整出嚟嘅嘢食竟然系比我之前去日本食嘅𠮶啲食物仲更加新鲜同好食！佢嘅金之藏刺身拼盘，同埋杂锦刺身丼饭都令我印象深刻，据老板讲系空运过嚟嘅新鲜日本食材，嘢食保留住原有嘅鲜味，加上刺身师傅嘅特制酱汁，食咗落去之后真系会惊喜连连！冇估到会喺大坑呢度食到咁美味嘅一餐午饭！下次会带埋啲朋友仔过嚟，试吓佢哋嘅晚市，推荐一试！