滿江紅小甜甜 (已結業)

以前都成日帮衬呢间野，但系都系晚市，一直都觉得唔错。隔左差唔多一年，今日去左试lunch，真系好后悔，食到嬲。口水鸡：似系白烚完求其淋d辣油辣酱上去，完全唔入咪。食到鸡肉既咸味多过辣味。顺带一提，佢地既口水鸡系暖身既，我本人就比较prefer冻个只。酸菜鱼：酸菜真心少，个汤完全系清淡到一个点，估佢地唔系煮左好耐，完全索唔到酸菜味。讲返旧鱼，以前晚市食都系好软滑，今日食个件又老又硬，仲可以闻到阵腥臭味。除左菜色上，成间野晚灯都好暗，经过门口以为冇开门，气氛好差。午市除左午餐，单点既菜基本上都缺乏，而午餐得个两三个系辣既，唔明当日既川菜食堂点会变成咁。唔会再去。