影片
更多
2019-01-28
1659 浏览
如果你识得由APM行去观塘海滨花园，相信对呢间冰室唔会陌生，皆因系必经之路，每次经过都好想试下，今日本身同另一半行去观塘海滨花园，反正一直想试，就入去医左肚先！环境新式冰室设计，与其话冰室，其实系Cafe(英文名都系叫做Dragon City Cafe)，楼底好高，舒服企理，好彩坐到卡位。餐牌好多选择，意想不到系有西式意粉食，仲有水果茶添！难怪叫自己做Cafe，真系估唔到咁多野食咁多款式拣，港式菠萝包、焗饭、煲仔小菜，以至西式意粉、小食都有，仲要价钱十分相宜，好有惊喜！蒜蓉牛油烟肉焗青口(5只) $32木板装住锡纸兜上，卖相比起餐牌上差左少少，烟肉碎唔系每只都有，以$32/5只而言，价钱抵食，食落有微微蒜香冇腥味，叫做同价钱成正价比。今日我地2个都锯扒，铁板餐可以拣跟饭/意粉/薯菜，同埋奉送热饮及红/中/白餐汤，亦可加$8配牛油猪仔包。奉送餐汤要左两碗红汤，味道系港式茶餐厅果种，比较淡，但都冇渣有肉粒食下。招牌美国西冷牛扒配蒜蓉汁 $82点左七成熟，配薯菜，西冷牛扒都几大块而且厚身，不过上枱都唔止七成熟，但庆幸冇影响肉质，食落好有咬口而冇渣，颇为松化，牛味都足，但个蒜蓉汁太浓味，如果将
环境
新式冰室设计，与其话冰室，其实系Cafe(英文名都系叫做Dragon City Cafe)，楼底好高，舒服企理，好彩坐到卡位。
餐牌
好多选择，意想不到系有西式意粉食，仲有水果茶添！难怪叫自己做Cafe，真系估唔到咁多野食咁多款式拣，港式菠萝包、焗饭、煲仔小菜，以至西式意粉、小食都有，仲要价钱十分相宜，好有惊喜！
蒜蓉牛油烟肉焗青口(5只) $32
木板装住锡纸兜上，卖相比起餐牌上差左少少，烟肉碎唔系每只都有，以$32/5只而言，价钱抵食，食落有微微蒜香冇腥味，叫做同价钱成正价比。
今日我地2个都锯扒，铁板餐可以拣跟饭/意粉/薯菜，同埋奉送热饮及红/中/白餐汤，亦可加$8配牛油猪仔包。
奉送餐汤
要左两碗红汤，味道系港式茶餐厅果种，比较淡，但都冇渣有肉粒食下。
招牌美国西冷牛扒配蒜蓉汁 $82
招牌美国西冷牛扒配蒜蓉汁
$82
22 浏览
0 赞好
0 留言
招牌美国西冷牛扒配蒜蓉汁
$82
21 浏览
0 赞好
0 留言
点左七成熟，配薯菜，西冷牛扒都几大块而且厚身，不过上枱都唔止七成熟，但庆幸冇影响肉质，食落好有咬口而冇渣，颇为松化，牛味都足，但个蒜蓉汁太浓味，如果将西冷沾蒜蓉汁会被蒜蓉汁盖过，所以之后叫左店员比黑椒汁，会比较夹，呢到既黑椒汁唔算辣，黑椒味有但唔重，反而配西冷冇抢左主角既味。
北海道帆立贝鸡扒配洋葱汁 $72
北海道帆立贝鸡扒配洋葱汁
$72
20 浏览
0 赞好
0 留言
薯菜
18 浏览
0 赞好
0 留言
好想食帆立贝，就点左呢款，都系配薯菜。北海道帆立贝两边有煎炸过，外层脆口，帆立贝就属平庸货色，始终价钱平，至于鸡扒都几有惊喜，鸡皮煎得好香口，鸡肉唔韧唔老，冇雪藏味，但洋葱汁冇乜味，配鸡扒好似唔够夹，反而西冷牛扒既蒜蓉汁同鸡扒衬到绝！两份铁板都系跟薯菜就令人有啲失望，焗薯够creamy亦薯味十足，可惜菜类系配中式既小唐菜而唔系西式既西兰花或者荷兰豆，呢到有点奇怪左小小。
奉送餐饮(热)
热饮唔洗加钱，叫左杯热鸳鸯，餐饮一叫就到，热饮我反而中意食完野先上，因为食完想叹我杯热鸳鸯时已经冻哂。
铁板扒类以呢个价钱黎讲真系唔错，好抵食！美中不足又或者系可以更好系改下个配汁，招牌美国西冷牛扒配黑椒汁，同埋北海道帆立贝鸡扒配蒜蓉汁既话真系冇得顶！
张贴
