岩盤牛扒 ミディアムレア ステーキ (博文街) (已結業)

而家多咗好多石烧牛扒店，按重量俾钱，再放喺热石上面俾你慢慢锯扒。呢日就食左大角咀呢间「牛扒 ミディアムレア ステーキ Medium Rare Steak」。小店牛扒嘅选择唔系好多，只有几款，你只需要拣你想食嘅份量，店员就会即刻磅重，即刻切🔪小店都好似日本咁，先俾钱，食完野要拎餐盘去返却口😆牛扒上菜时会煮到三成熟Medium Rare，亦系餐厅特色。🔸西冷Sirloin 🥩要左300g ，都几大块，蒜油好多，牛味都好香，肉质几有弹性，牛扒边都有啲脂肪，不过有啲筋。🔸后腰三角肉U.S.A. Prime Tri Tip 🥩呢款最贵，要左200g试下，同样要左蒜油。唔大块，不过好厚😳三角肉肉质软腍啲，脂肪分布平均。同埋咬落几有肉汁，牛味好浓，好正😋加埋套餐好似抵啲，有味噌汤、沙律同饮品，始终个主角系牛扒，个三角肉真系好好食😋枱上面仲有盐同胡椒，加咗更加锦上添花😝