龍記小廚

营业中

休息中

今日嚟到觀塘新開業嘅龍記小廚食個lunch，由於晚餐非常多人訂位，所以今日先試午餐。龍哥喺工廠區嘅時候已經試過佢嘅手勢，今次開業嚟觀塘地舖，沒有落場時間就更容易食到佢嘅飯。午市菜單選擇豐富，可惜最想食嘅炸子雞已經一早賣晒。聽聞佢哋講，12點鐘左右已經賣晒啦......先嚟叫呢碟馳名嘅私房蟹皇醬海皇炒飯，$62。濃厚蟹黃，而且均勻溶入喺個飯度。黑松露滑蛋蝦球飯，$58。極大陣嘅松露味加上大隻蝦球，相當足料。星洲海鮮炒米$52，啲蝦都大隻架加埋碗例湯，加$8，大碗足料。除咗午餐，仲有其他食物可以選擇。最後埋單嘅價錢係$196蚊，下次有機會希望可以試到個炸子雞啦。