噹噹燒 (已結業)

其实去之前细心睇过下d食评, 发现好多非会员, 或者只系食过1篇食评既留言, 而0个d食评多数都好简短咁话好好味咁, 都觉得有d问题架啦, 不过见佢咁多好评都走去黎试下先。我地叫左一个当当烧, 一个长岛烧, 其实一坐底店员已经大力推荐2人套餐, 但我睇过觉得麻麻就冇叫到 , 但当我地order左2个烧饼, 再叫1个小食既时候, 店员又再大力推荐我地叫套餐, 我觉得咁样唔系几老实啰, 因为我地根本冇可能食得哂佢都系咁叫我地order。食物价钱都偏贵, 平均一个小食要50+, 仲贵过和民。当时只系7点左右, 店内有3枱客, 但我地都等左好耐至有野食。0个2个烧饼讲真好普遍, 当然佢会好过你0系sogo食0个d, 但睇埋个价钱就真系完全唔值, 我只系食到烧饼酱既味道, 至于个烧饼入面0个d 送, 好似鲍鱼, 八爪鱼, 年糕, 豚肉0之类, 真系完全食唔到啰, 量少之余, 又唔够味, 结果就只系食椰菜同埋酱。另外老板0系间铺度不断好大声咁闹佢0个2位伙记, 骚扰客人之余, 不如用心钻研改善菜式更好吧。