十十川滬料理 (已結業)

我同女友系朗豪坊行完街好肚饿，顺便系朗豪坊食，埋饭，今次拣左十十川沪料理。装潢有别一般充满中国艺术气息既四川餐厅，十十川沪料理走一个清新路线。餐厅有小菜，亦有川沪火锅。- 椒麻鸡鸡本身唔算太嫩滑，不过以麻取胜，下面有爽脆既青瓜垫底。我地拣左小辣所以辣度适中。- 凉拌莴荀丝口感爽脆而且带点酸辣味道👍🏻- 十十海鲜炒饭炒饭唔算太湿润，海鲜包括蟹柳、鲍鱼粒同虾，我同女友分别食左三大碗，份量十足。- 豆苖沙白汤豆苖非常嫩口，沙白肉厚，味道鲜甜。众所皆知沙白最适合用嚟煮海鲜汤，豆苗同沙白令汤底变得非常清甜。- 酥皮凤梨奶黄窝饼我超级钟意呢个窝饼😍，口感有少少似老婆饼，外皮酥脆，入面馅料系新鲜凤梨蓉同奶黄酱，味道一流，而且唔腻。所有菜式都唔错，酥皮凤梨奶黄窝饼系我最钟意既一道菜，真系食唔停口。