Baan Phadthai (已結業)

今日好晏先放工，做到咁攰，当然要食返啲好嘢同去放松一下先返屋企！我去左成日食嘅Baan Phadthai。呢间餐厅嘅食物好好味，而且环境仲好舒适！啱晒自己一个人chill下！「椰青 🥥」。食得泰国野，当然要饮返个椰青。🥥椰青清甜多汁，而且仲有好多肉喺入边。饮完有清新嘅感觉。超赞👍🏻！「无骨海南鸡 配白饭/油饭 🐔」。呢间餐厅嘅海南鸡好出名，每一次嚟到都系必食！🐓海南鸡肉质滑溜无比，鸡皮爽口弹牙。🍚油饭索左鸡汁，每一啖饭都有好香嘅鸡味！呢个绝对系我食过最好味嘅海南鸡饭！「沙嗲鸡串🍢」。🐔鸡串烧得好出色，里里外外都有好香嘅沙嗲味，但完全冇覆盖到鸡嘅味道。加埋沙嗲酱同酸辣汁。令到鸡串更加惹味！「黄咖喱软壳蟹🦀」。呢个啱晒钟意食软壳蟹嘅我。🦀软壳蟹炸到好香脆，仲要劲多肉，加埋香浓嘅🥘咖喱汁一齐食！食每一啖都超级满足！呢餐真系大满足，食完之后完全放松哂，下次一定会再嚟食！