T Club

营业中

休息中

系OpenRice见到呢个餐厅既食评唔错，于是约埋个朋友仔上去食个晚餐。预约左7PM但自己早左到观塘于是6点半就上到去，原来晚餐7点先开始不过店员好好人优先SERVE我重安排左个窗口位比我。原来呢度个海景VIEW咁靓，望到晒北角至中环条海岸线，我估如果维港放烟花呢度应该可以睇晒3只趸船。原来OR订座有送餐酒于是我叫左杯白酒叹住先，点知个朋友临时甩底于是唯有食自己点咗份肉眼扒(自己系牛魔王)。前菜系蜜瓜PARMA HAM唔错，浓蘑菇餐汤跟蒜蓉包就(劲劲劲)好饮。牛扒够大件，我叫3成熟所以好JUICY，但最正系伴菜个粒焗原只蒜头好食够晒香。已经非常满意原来餐甜品重有CRÈME BRULEE，太正了不过自己一个人食真系唔够HAPPY，价钱唔贵下次一定会再嚟约好朋友HEA一晚。