影片
更多
2013-07-07
116 浏览
虽然开业无耐，但系已经感受到此地竞争激烈！单系头两层已经有「Pepper Lunch」同埋「和民」等等连锁集团，所以如果食物质素唔掂既话一定好快「冇得留低」！地点方面，商场由APM行过去唔驶5分钟就到，非常方便，绝对系裕民坊清拆之后另一个揾食之选既好地方！餐厅因为新装修关系，非常光猛醒神，位与位之间虽然唔算好阔落，但都算叫做可以接受。最特别既地方系厨房外面装左一面大玻璃，坐卡位既食客可以睇到师傅喺里面整小笼包同埋拉面既功夫，正！酸辣汤︰可以选择一煲或者一碗。话就话一人份量，但系两三个人既话一碗仔每人share几啖浅尝都够食。味道方面，汤既酸同辣既比例刚刚好，并冇侧重于某一面。汤既料亦都落得好足，应有既野都有，亦都食得出唔系求其俾D料你「大杂荟」就算，喺选材方面一定落左一番工夫去带出汤既味道。担担面︰简单但不平凡。汤既味道啱啱好，唔会辣到食唔到或者所谓「小辣」咁到喉唔到肺。面料亦都落得好足，肉碎平均分布喺汤里面，唔系就咁喺面头放一pat就算。特别要提一提佢落葱既方法，放喺汤匙既中间就可以同时兼顾到想走青既食客同埋好似我呢D爱葱之徒！小笼包︰诚意的signature dish。小笼包既皮厚
餐厅因为新装修关系，非常光猛醒神，位与位之间虽然唔算好阔落，但都算叫做可以接受。最特别既地方系厨房外面装左一面大玻璃，坐卡位既食客可以睇到师傅喺里面整小笼包同埋拉面既功夫，正！
酸辣汤︰可以选择一煲或者一碗。话就话一人份量，但系两三个人既话一碗仔每人share几啖浅尝都够食。味道方面，汤既酸同辣既比例刚刚好，并冇侧重于某一面。汤既料亦都落得好足，应有既野都有，亦都食得出唔系求其俾D料你「大杂荟」就算，喺选材方面一定落左一番工夫去带出汤既味道。
担担面︰简单但不平凡。汤既味道啱啱好，唔会辣到食唔到或者所谓「小辣」咁到喉唔到肺。面料亦都落得好足，肉碎平均分布喺汤里面，唔系就咁喺面头放一pat就算。特别要提一提佢落葱既方法，放喺汤匙既中间就可以同时兼顾到想走青既食客同埋好似我呢D爱葱之徒！
小笼包︰诚意的signature dish。小笼包既皮厚薄适中，咬第一啖既时候已经食到新鲜既肉味。包里面既肉汁非常之juicy，以平民化既价钱有咁既质素，正呀！
金华火腿津白汤年糕︰配菜金华火腿同绍菜虽然冇乜特别，不过都算系不过不失啦。虽然本身唔系特别钟意食汤年糕，但系喺度都要赞一赞年糕既口感。「烟un」不特止，佢特有淡淡既甜味令到当佢索左D汤之后既味道更加特别，抵赞！
锅贴︰唔系唔好，只系冇乜特别。锅贴底部既表皮略为煎得唔够火喉，似蒸多过煎，而里面既肉质略为干身左少少，不过都系小问题，other than that 绝对收货。
生煎包︰同锅贴虽然相似，但感觉却差好远。由于表面用油煎过，再加上落左葱同埋芝麻既关系，感觉上口感比锅贴好好多。包里面既猪肉亦一如预期非常之juicy，少少油得黎又唔会过咸，啱啱比包既皮刚刚包住晒，食落口既时候「咇」一声咁爆发出黎，正呀！
高力豆沙︰虽然系后加，但系十分钟都唔驶就已经上枱。或者系好sai功夫加上利钱唔多既关系，香港好多地方依家已经开似唔供应呢味菜喇。Anyway，面粉炸得好松软，里面既豆沙既甜味亦都刚刚好，唔会有太甜既情况「喧宾夺主」。而旧野上面既糖衣可以话系最佳既点缀，令到包面食唔到豆沙果部份唔会「淡mou mou」，绝对要推介比各位试吓！
虽然叫左咁多野食，但围返开每人$80蚊都唔驶，抵到烂！侍应亦都好勤力不断加茶，唔会因为你食晒野就9秒9乜都收晒赶你走，喺今时今日既食肆黎讲真系好少见，激赞！
张贴
