Star Kitchen (已結業)

好少系葵芳食晚饭，加上呢间餐厅位置唔算易揾，开头入黎就系得我地一台客，心谂系米太偏所以少人？但慢慢就爆场！系越夜越多人黎食。一坐低，就介绍左当日既生蚝同like & share有小食送。除左menu，餐厅墙上既画都系人画。首先黎个生蚝set当日食既系法国生蚝，好肥美大只，食落亦都好爽口加上佢配既生蚝酱唔似出面食既味道，好特别。忌廉烟三文鱼意粉拼香煎大虾一黎就闻到好香，虽然得三文鱼同菇但好足料，2种料都唔会好少。什菌风干黑毛猪巴马火腿pizza 事先已经切好比我地，每一块size适中，多芝士。pizza 皮唔厚，有少少似饼干底，个边边好脆 鹅肝多士多士切落超级脆，睇到鹅肝既油脂好丰富从来唔食肝脏既我都觉得入到口，咬到同吞到，之前试过既都觉得口感同味道好怪，但呢只岩岩相反。另外值得一提既系服务一流，态度好好，有咩问题或者需要帮忙都好乐意帮。朋友跌左叉，唔洗嗌听到即刻拎过新既黎。