炑八韓烤 (已結業)

终于去左一试口碑唔错既炑八韩烤，9:30后入座有75折，饮品除外，10:00去到无需等位。9:30后的炉边蛋同芝士仍然系可以无限添加，加蛋之前会加泡菜粒，配蛋唔错。先要提提就系份量原来都几大碟，两个人去真系食唔晒...同埋D肉都出得几多油，好滞，呢度介绍既食物加番多个饭都够4个人食饱饱~首先，菠萝梳打同士多啤梨梳打，比想像中大杯，两杯都好饮，入面仲有士多啤梨同大大旧既菠萝~芝士溶岩饭可以话系好多人推介必食既之一，比想像中冇咁芝士，唔算好大芝士味，所以都唔系好"漏"，入面有泡菜粒同葱粒，都几香~我谂加埋炉边蛋同炉边芝士落D饭度就最好食喇~~烧肉方面，真系叫得太多，份份都好大碟，waiter有时会主动过尼话帮我地烧，至于牛肋骨咁大旧佢就会帮我地剪埋再帮我地烧~牛肋骨同牛颈肉味道相差不大，两样都比较油，但肉汁好味，D肉都好嫩口。猪颈肉冇想像中咁弹牙，而厚切五花腩虽然亦系必食推介之一，但都唔系话好特别，冇想像中咁好食，冇乜油香味，肥膏亦未系入口即溶既程度，不过尚可接受~个人认为牛舌同牛颈最好食，牛舌非常有口感，唔算好肥，一碟有9-10块，都几抵食，而且味道唔错。顺带一提，佢旁边有mustard