影片
更多
2018-02-11
11744 浏览
无肉食，但有好多瓜菜豆腐食！细妹邀请咗我好耐，今日终于答应去一次！我哋同Joey妹一行三人下午1：15到达，因细妹事前已book枱，一去到即刻有位，被带去一张五人枱！细妹暗喜有多啲空间，我就话等阵实有人搭枱，佢话唔会！点知我哋三个拎哂嘢食，食咗第一啖时，一个疑似老板娘走埋嚟要我哋换位！𠮶刻有啲唔高兴，但亦体谅佢哋想做多啲生意，所以我哋合作！不过，孭住袋之余，又要拎住杯、碟、羮同筷子(当时我哋已斟咗柠檬水同夹满嘢食)，喺人群中行去另一边翼最尾𠮶张枱真系好论尽！细妹叫我出去夹嘢食先，我就手机先食！出到去，因太多客，眼见四五碟热盘都冇哂咁滞，我勉强夹埋剩返𠮶少少，点知一分钟后就有人refill, 仲推出咗我最喜欢嘅豆腐，即时铲咗一旧！真幸运！同样系素食自助餐，但呢度啲款式同Red Mango完全唔同！呢度比较家常小菜feel, 好多瓜菜豆芽豆腐冬菇，而Red Mango啲食物就比较精致同花巧！呢度客人多、refill快、食物味道唔错，唔算太油腻，不过就冇得食素鸭、素肉(大豆纤维)𠮶啲，全部都系天然蔬果类。菜方面都好多选择，我食咗娃娃菜、芥兰、菜心、白菜仔、菜心、疑似唐蒿等，全部新鲜爽脆翠绿冇
我哋同Joey妹一行三人下午1：15到达，因细妹事前已book枱，一去到即刻有位，被带去一张五人枱！
细妹暗喜有多啲空间，我就话等阵实有人搭枱，佢话唔会！点知我哋三个拎哂嘢食，食咗第一啖时，一个疑似老板娘走埋嚟要我哋换位！𠮶刻有啲唔高兴，但亦体谅佢哋想做多啲生意，所以我哋合作！不过，孭住袋之余，又要拎住杯、碟、羮同筷子(当时我哋已斟咗柠檬水同夹满嘢食)，喺人群中行去另一边翼最尾𠮶张枱真系好论尽！
细妹叫我出去夹嘢食先，我就手机先食！出到去，因太多客，眼见四五碟热盘都冇哂咁滞，我勉强夹埋剩返𠮶少少，点知一分钟后就有人refill, 仲推出咗我最喜欢嘅豆腐，即时铲咗一旧！真幸运！
同样系素食自助餐，但呢度啲款式同Red Mango完全唔同！呢度比较家常小菜feel, 好多瓜菜豆芽豆腐冬菇，而Red Mango啲食物就比较精致同花巧！
呢度客人多、refill快、食物味道唔错，唔算太油腻，不过就冇得食素鸭、素肉(大豆纤维)𠮶啲，全部都系天然蔬果类。
菜方面都好多选择，我食咗娃娃菜、芥兰、菜心、白菜仔、菜心、疑似唐蒿等，全部新鲜爽脆翠绿冇渣；热豆腐同冻豆腐都有食，好滑漏，I like it！虽然冇素鸭，但夹到几粒素鸡，点茄汁食好好味！炒面炒乌冬味道就普通，炒面有啲黏！最难食系片红菜头，我夹咗一小片，又酸又难闻，但我都吞咗！细妹分咗粒素蛋糕俾我，香蕉蛋糕、唔多甜，几好，听细妹讲购自一间叫「花花」嘅饼店！现场好多炸物，但我一件都冇夹，因为我唔钟意食炸嘢！甜品方面有我最喜欢嘅红豆沙，真好！我食咗三轮，已经饱到上心口，之后出炉嘅西兰花已经食唔落，真可惜！全程饮咗两杯柠檬水，加两粒代糖，perfect！
今日星期日，每位收费$78，自己食完自己收碟！衷心多谢细妹，帮呢个阿肥家姐增肥！
最后赞一赞，茄汁一大支自由吱，我食咗差唔多十二份之一支，好大方！好畅快！好美味！
张贴
