名館 (黃埔天地) (已結業)

话说行过几次都见到有人排队。谂住星期日放假就早d黎试下，虽然开左一段时间，始终而家生意难做，希望无错过机会品尝。一入到去带位的问完我几位，答左佢之后彷佛无听过咁企左系度。坐低拣左阵野食（因为实在无乜野拣所以谂左阵）。食左4款式（味道正常，但就太极派既武功一样，咸中带淡，淡中带咸，总觉得系我味觉有点问题），未够饱就点多个饼食下，可能开始人多关系，一等就等到我饮左两壶茶既时间，中间服务员既优质水平发挥了，不停收台面上既野，我明白做饮食有黄金时段，但系我都要食埋先会起身，不如快d出菜好过啦。题外话，等等下既时间，隔离台发现薄饼有头发需要更换。个饼一出有惊喜，惊：个饼咬左一啖之后完全唔想再放入口，喜：原来街边阿姐既味道绝对系实力派。食埋个饼之后就尽快起身唔阻住人地做生意。最后补多讲，茶系够热同埋愿意加茶的。