YakiniKuu Japanese Bbq (已搬遷) 新店位置

一早book咗枱去呢度庆祝生日晚餐，一入门口就问我地有冇book枱，睇嚟唔会招呼walk-in客人。一坐低就会有热茶同热毛巾抹手，都几好，因为行上黎都经过好多路，所以抹下手清洁下。今次我地试呢个精选晚餐前菜同埋沙律食完沙律之后就上呢个和牛寿司，职员话要趁热食㗎。之后就到主角牛肉仲有一碗白饭添。如果单点嘅朋友可以试吓呢几款牛肉因为都真系几好味。不过牛扒我就唔建议大家叫喇。因为唔算好淋又冇乜味。食完一轮牛肉之后就会有呢一个汤同埋吞拿鱼芒果沙律仲有少少小食。职员仲话呢个汤系清热气。最后一round就系西冷，首先烧完西冷再将佢点落鸡蛋再点一点豉油连埋饭一齐食，𠮶一啖真系劲幸福。最后再食埋乌冬再饮埋佢嘅汤都系清热气㗎。食埋个甜品就圆满结束。值得一赞嘅除咗食物质素之外职员嘅服务都好好，佢地都会详细介绍食物嘅名，牛肉嘅位置，食嘅次序，同埋所用嘅酱汁。