十字冰室 (禮頓道)

营业中

休息中

早晚餐？定迟下午茶呢 下就5点几⋯⋯平时出去食饭都钟意依D时间，因为唔算人。个MENU好多野食 不过自己一条友都唔知叫好，好多小食好似好正，仲要只限礼顿道分店。如果有机会我想试下佢地个十字炸鲜奶。天气热都系饮番啖野先，Blueberry yogurt smoothie 加左雪糕。 十字自称用 Gelato粉沟十字奶整，几够奶味但唔似gelato 啰。加12蚊先有雪糕觉得有少少贵，但整体我会推介依杯特饮先黎个沙丁鱼包，第一次听甘既配搭。几有新鲜感，个猪仔包都几脆，唔知系屋企整唔整到呢。眼阔肚窄，叫左个虾仁炒意粉，有辣味几开胃，意粉软硬适中亦都唔会太干身，不错。如果我住附近都会黎多D，环境简单，个interior design 唔似周街D冰室扮怀旧又绿又白，依度主要黑红白为主 young 好多。佢地个WC几有FEEL,美中不足就系打卡位少左D，室内都有LED灯打卡位就几好。