Oliver's Super Sandwiches (創紀之城五期(apm))

营业中

休息中

Apm晚饭时间food court爆哂人，一个人的晚饭真系要揾间不用等位的，其实间间都好多人，咁我就去左食呢间，因为有位坐唔驶出去拎餐。对上一次黎，我谂无十年都有8年，点解隔咁耐先食呢，可能对当时印象麻麻，但今日又想食啲无咁heavy的晚餐，就再试下。我拣左碎蛋沙律，烟三文鱼沙律焗薯配凯撒沙律，套餐包括汤及饮品，饮品改了鲜果汁，另加$10。收银个男侍应啲态度有啲差，讲私人电话，见佢躁躁地咁款，等左阵先讲完仲要黑口黑面对住食客。讲返食品，上餐速度算快，味道都不错，个汤好饮，有啲肉（蟹肉？）凯撒个汁少了点，焗薯我就钟意食熟啲个种，鲜果汁要了奇异果，整体比我对上一次食系完全唔同，环境都舒适。