麵鮮醬油房周月 (歌賦街)

营业中

休息中

咁多种面派中特爱沾面，其中以台风为心中第一，食过几间出名嘅都系不外其是。同事知道我喜好，中午专程带我去呢间十年老店一尝，传说中嘅排队人气面店，好在我地提前于12点前到达，未几已经全数满座。沾面分为常规同烧黑豚两种，有辣与唔辣选择；另外亦有拉面以及限定捞面。比较贴心系面店会提供发圈同围肩，等大家食得投入同时又唔会整污糟头发或衣物。落单后大约5-8分钟，一碗热腾腾嘅沾汁就上枱喇～面条可以选择凉或热面，个人推荐凉面，沾汁后温度恰到好处，入口不烫嘴，软硬适中略带韧劲。汤汁浓度中等，带香辛风味，无彩同海老名果个咁浓咸；拣烧黑豚就会多三块肉，黑豚结实松化，脂肪位置烧成香脆，逼去油脂，口感香而不韧，无谂过肥瘦相间嘅肉可以烧出瘦肉嘅质感。汤料有几旧豚肉、芽菜同笋片，笋片切成方厚形状，食落爽之余更能品尝到纤维感；豚肉同烧制嘅完全唔同，稔软嫩滑。朋友拣嘅香葱拉面，葱花量唔算夸张，但相信有葱嘅青草香衬托，味道应该都唔错。