影片
更多
2021-10-31
522 浏览
话说妈咪系报纸见到陶源嘅大闸蟹放题广告，谂住尽下孝心请佢去食大闸蟹，点知食到我哋两个一肚气🤬入座嘅时候有职员开左壶茶之后就冇人理过我哋，枱面冇食物落单纸冇、冇食大闸蟹嘅用具，网上订位时讲明系食大闸蟹餐，但摆枱时一D准备都冇。问职员摆完又要等一阵先有，剪刀都系比得一把，两个人食蟹得一把剪刀，心谂are you kidding me？🤷🏻♀️等左差唔多25分钟先有第一道菜——蟹粉扒豆苗，卖相麻麻，但味道算正常之后上左金汤小米烩辽参，个汤好杰，但味道淡茂茂，唔好食另外食左杨枝甘露、芒果布甸，唔够冻，食左一啖就放弃蛋散，冻＋唔脆糯米饭，好油又冻，糯米一嚿嚿，个朕油益味好难顶，极品劣食🤦🏻♀️全晚最好食嘅系朱古力奶黄包同奶黄千层糕，一睇就系交嚟嘅货，只要蒸得够热就唔会出事最过分系蛋白杏仁茶。首先，职员个食物tray上面有收左其他人食完摆放蟹壳嘅碟，然后将碗杏仁茶劲大力放落枱，嚟到得半碗，底碟仲有杏仁茶浪下浪下。杏仁茶面头有一层油，好呕心，呢碗嘢我掂都唔敢掂，好唔好食我真系唔清楚，但望个样已经好唔开胃🤢🤮主角嘅清蒸大闸蟹目测系4两左右，total叫左8只蟹，4公4乸，都多蟹黄，算系呢餐最正常嘅食物
入座嘅时候有职员开左壶茶之后就冇人理过我哋，枱面冇食物落单纸冇、冇食大闸蟹嘅用具，网上订位时讲明系食大闸蟹餐，但摆枱时一D准备都冇。问职员摆完又要等一阵先有，剪刀都系比得一把，两个人食蟹得一把剪刀，心谂are you kidding me？🤷🏻♀️
等左差唔多25分钟先有第一道菜——蟹粉扒豆苗，卖相麻麻，但味道算正常
蟹粉扒豆苗
7 浏览
0 赞好
0 留言
之后上左金汤小米烩辽参，个汤好杰，但味道淡茂茂，唔好食
金汤小米烩辽参
13 浏览
0 赞好
0 留言
另外食左杨枝甘露、芒果布甸，唔够冻，食左一啖就放弃
蛋散，冻＋唔脆
蛋散
10 浏览
0 赞好
0 留言
糯米饭，好油又冻，糯米一嚿嚿，个朕油益味好难顶，极品劣食🤦🏻♀️
全晚最好食嘅系朱古力奶黄包同奶黄千层糕，一睇就系交嚟嘅货，只要蒸得够热就唔会出事
最过分系蛋白杏仁茶。首先，职员个食物tray上面有收左其他人食完摆放蟹壳嘅碟，然后将碗杏仁茶劲大力放落枱，嚟到得半碗，底碟仲有杏仁茶浪下浪下。杏仁茶面头有一层油，好呕心，呢碗嘢我掂都唔敢掂，好唔好食我真系唔清楚，但望个样已经好唔开胃🤢🤮
16 浏览
0 赞好
0 留言
主角嘅清蒸大闸蟹目测系4两左右，total叫左8只蟹，4公4乸，都多蟹黄，算系呢餐最正常嘅食物
清蒸大闸蟹
12 浏览
0 赞好
0 留言
食到最后30分钟，职员仲未比一人一客嘅鲍鱼我哋，问左著黑色西装嘅疑似高级少少嘅职员一次之后，等左一阵有个姐姐上菜，仲问我地做咩唔叫佢哋上菜。心谂你之前个D蟹粉扒豆苗同个好难食嘅金汤都系自动波上菜架㖞，好似讲到系我嘅问题，呢下真心好嬲，有种贴钱买难受嘅感觉🙄
鲍汁扣鲍鱼伴翡翠
10 浏览
0 赞好
0 留言
至少任食嘅片皮鸭⋯⋯要问左两次先肯比我，但上菜时已经到左要埋单嘅时候，食得好急。鸭肉切得超厚、饼皮打风咁黏埋一齐，但至少食完呢碟嘢我先有饱肚感，有种终于唔使去买麦当劳宵夜嘅感觉😥
片皮鸭
42 浏览
0 赞好
0 留言
上网订座有95折，订左2位，要先系网站比$927.2 (每人$488 X 2 X 0.95 ＝$927.2），知道食完放题要比返正价嘅加一服务费$52.8， 但唔知点解临尾仲要收多我$3 🤷🏻♀️， 埋单齐头$1065/2位。呢餐垃圾放题完全唔值咁样嘅价钱。
成餐饭嘅结论系：除非你净系专心食大闸蟹，否则你千祈唔好嚟，佢其他食物真心唔掂👎🏻。我已经亲身中伏，唔想有其他人中伏。呢间嘢冇下次。
张贴
