蠔埕

营业中

休息中

一早预定了A5黑毛和牛生蚝宴套餐谂住同朋友庆祝生日，前菜薯仔沙律已经咸到傻，食咗一啖就冇食。和牛刺身冇溶晒雪就攞出黎，亦唔肥美，串烧系烧鸡翼同鸡肉粒，街边嘅串烧好食过佢10倍。个烧饭团烧得太耐好干。个生蚝望落几靓但完全冇蚝味，仲有少少腥味。我朋友好钟意食蚝但真系太失望，所以就算任食蚝都冇refill。火锅个汤底又系咸，搞到个乌冬咸到食唔到。我地唯有refill 炸物顶肚，不过啲炸物都只系出面放题级数。食日本野谂住静静地又开到啲音乐劲大声，同店员反映完较左细声，之后佢又较番大声。成餐两个人连加一要$1400，食材，服务全部都唔得。我失望到第一次写食评，好似跌咗钱落咸水海咁。超级失望。