八幡屋日本料理 (已結業)

 今日庆祝同男朋友嘅纪念日，特登book咗去食放题。哩间野几次系旺角行过见到，今日就一于试下！因为我地有预约嘅关系，佢送咗一张订座优惠嘅纸，有得拣海胆刺身、鹅肝多士、DIY章鱼小丸子等等，我地就叫咗海胆同埋小丸子。海胆份量好足，好鲜甜。而小丸子好有趣，佢系有服务员即场系我地张枱度整小丸子，服务贴心。佢仲有几支酱汁俾我地为小丸子调味，我仲同男朋友斗整得靓添哈哈！我作为生蚝的忠粉，就一定要食升级料理！任叫生蚝真系好吸引啊！哩度嘅生蚝都算大只饱满，上面铺少量葱花，夹埋好fresh!我自己中意落少少茄汁，个种口感系好juicy好滑，十级推荐大家要升级！食放题当然少不了食刺身！佢啲刺身都几新鲜，尤其三文鱼，厚厚一块咬落去系好有口感，加上少少肥膏，融系口入面，好正。仲有虎虾也是我最爱之一，真系几甜，肉质咬落去有少少爽口唔会太过软，几新鲜，中意食虾嘅朋友不能错过！哩个真系食咗几转都未厌！熟食方面，我自己觉得烧牛舌同天妇罗值得一试。牛舌调味咸度适中，有少少孜然粉，成件事好香好吸引！牛舌仲要好爽口，食上瘾。天妇罗系好多人嘅最爱，佢哩度嘅天妇罗都唔细只，炸得香脆，入面嘅虾仲好香口，不能错过之选。最后梗系要