武士拉麵 (已結業)

系10号风球嘅前夕，我哋亲听日放假可以玩夜少少，就嚟到呢一间系尖沙咀非常出名嘅拉面- 武士拉面。一坐低睇餐牌，已经见到有好多唔同款式嘅拉面，而且最特别嘅就系呢度有牛奶味嘅拉面同埋有沾面！沾面真系唔系间间铺头都有，自从两年前我哋喺日本食完返嚟之后已经好耐冇食过啦今次就过足呢个沾面瘾！首先嚟到嘅就系呢一个地狱武士拉面，一开始惊一个地狱拉面会好辣，所以我同左师傅讲小辣，但师傅同我讲唔使担心一定唔会好辣，包你食到！一嚟到就闻到阵阵嘅辛辣香味，我习惯先饮下啲汤，十分之正！！！带动左成个面嘅口感同味道出晒嚟，钟意食辣嘅朋友一定唔可以错过。之后就黎到呢一个武士沾面，沾面嘅食法好唔同，系将啲面夹落个浓汤度再食，呢一个食法会令到啲面更加弹牙，亦都啱女仔，因为女仔食嘢唔系太快，可以慢慢享受个面，唔好俾个面吸晒啲汤。我觉得今次沾面反而系个面比个汤更出色，因为个面系转咗做粗面，令到个面更富口感，而将个面放落个汤嘅时候，汤仲系热辣辣！超级浓嘅鱼介味，我呢啲钟意食浓味嘢人真系连个汤都饮埋！餐厅内亦都有唔同嘅调味品可以配合返自己嘅口味，更有无限嘅绿茶添饮，师傅嘅礼貌同服务亦都十分之好！