千之味刺身壽司專門店 (雅都花園)

营业中

休息中

冇左晚市堂食，搞到啲无饭家庭非常苦恼，千之味真系性价比高，可以再encore好，睇吓有咩好食先。天气冻冰冰唔想食寿司刺身，仲可以选热辣辣便当。日式猪软骨饭定食，猪软骨煮得腍身，个酱汁刚刚挂到猪软骨，食落啖啖肉，软骨又索索声。烧汁牛肉饭定食，便当入面有沙律菜同辣味螺肉，饭量充足，牛肉大大块，仲有牛肉汁，拌饭一流。蟹柳玉子烧，厚厚玉子烧咬落软绵绵，而且好有蛋味。炸物同样岀色，炸到金黄色，吉列炸蚝胀卜卜，系酥脆炸感。七味鸡翼，上面有七味粉嘅香味，鸡翼里面都腌得入味。