千之壽 (已結業)

我都去过千之寿食野丫，佢依家又开多间丫，不过等我讲左一样先一样啦~去过大坑渠果间，服务态度我冇咩评价，可能自己本身都系有礼貌既人，所以暂未比人用唔好既态度对待过啦~佢果到系好晒，果日同男有shopping完去食，我d野都好无奈咁放系台底，咁冇办法啦，人地地方细，如果我放晒系条路中间又真系唔系咁好既~野食方面，我就会用好好既评价比佢啰，d野大旧抵食，炸野都好好食，同埋果d咩炒菜都ok，最紧要系佢个沙律大碗到晕，正!!咁好啦，前几日再去识㖞，要等位，我男友又未到㖞，系一早知佢要人齐先入得，不过谂住早d拿飞丫嘛，系到等我男友果阵，装到佢地张menu有分店，咁我就问下果waitress果边会唔会有位啦，佢就话果边好大既，一定唔洗等位，咁我就过左去喇~佢间分店都系元朗既，系元朗剧院斜对面~ 一去到，哗~~~ 咁鬼死大间既~~~ 一去到有位啦，又唔洗等齐人坐，等埋男友叫野食啦~ 野食就一样好味啦~ 服务态度都唔错啵，又唔赶客走，唔会话好快收晒我d野丫咁，整体都好舒服~~!如果大家系咁唔满意坑渠果间，不如试下佢呢间分店丫，真系觉得唔错架~地址我唔知，我净系记得系剧院对面，果2日行开拿到卡片再post