影片
更多
2017-07-21
930 浏览
打呢篇食评唔系恶意中伤 系想提醒大家唔好信果堆睇落好专业既食评 真系唔好哂钱去呢间食平日dinner buffet 呢间既lunch buffet我食过3次 因为几抵又近屋企 180蚊有蚝㖞 近排系网上见到有打手文话dinner buffet有法国海鲜汤 又有软壳蟹 又有蟹盖粉丝 又有咩草饲烧牛肉 讲到平日去都系350几 好吸引咁 就book左 点知去到行左一圈已经知那野 无打手文推介既海龙王海鲜汤 无软壳蟹 无蟹盖粉丝 无西班牙海鲜饭 无半熟吞拿鱼沙律 无焗蚝 无扇贝 总之佢d广告文提过既食物乜都无 问返先知星期五六日先有 我知平日平d一定无星期五六日咁多野食 但重点系但睇返d班打手既文 佢地都话自己系平日食 佢地都话平日350几一个好抵叫人黎食架㖞 咁到底系唔系d pr同班打手唔老实啊 咁样误导人 就算无呢d所谓招牌菜式其他菜式都系选择好少 除左个原条蒸比目鱼好好味之外 其他菜式既款式同数量同lunch buffet无乜分别 仲有佢d烧牛饮同羊饮简直世界级垃圾 我上星期去three on carton既lunch buffet多野食过呢间dinner buffet 3倍 海鲜:生蚝
呢间既lunch buffet我食过3次 因为几抵又近屋企 180蚊有蚝㖞 近排系网上见到有打手文话dinner buffet有法国海鲜汤 又有软壳蟹 又有蟹盖粉丝 又有咩草饲烧牛肉 讲到平日去都系350几 好吸引咁 就book左 点知去到行左一圈已经知那野 无打手文推介既海龙王海鲜汤 无软壳蟹 无蟹盖粉丝 无西班牙海鲜饭 无半熟吞拿鱼沙律 无焗蚝 无扇贝 总之佢d广告文提过既食物乜都无 问返先知星期五六日先有 我知平日平d一定无星期五六日咁多野食 但重点系但睇返d班打手既文 佢地都话自己系平日食 佢地都话平日350几一个好抵叫人黎食架㖞 咁到底系唔系d pr同班打手唔老实啊 咁样误导人 就算无呢d所谓招牌菜式其他菜式都系选择好少 除左个原条蒸比目鱼好好味之外 其他菜式既款式同数量同lunch buffet无乜分别 仲有佢d烧牛饮同羊饮简直世界级垃圾 我上星期去three on carton既lunch buffet多野食过呢间dinner buffet 3倍
海鲜:
生蚝 -细细只 几甜 同lunch buffet同款蚝 应该都系最平果款蚝啦 但觉得好食过几星期前食既cafe on m d好咸既即开生蚝 refill得好快
长脚蟹 劲有雪味 但meet到完整一条蟹肉出黎 都有甜&咸味 几星期前食cafe on m同上星期食既three on carton既蟹脚系痴壳 但明显新鲜过呢间
蚬 有枧液味唔系讲笑 食落口仲淡而无味 好呕心 经理仲话系海水味 但如果有海水唔系应该食落咸既咩 何况好明显系枧液味 之后又送过碟蚬黎话岩岩煮好 但都仲系有果阵味 真系好呕心 唔系恶意中伤 食过就知
小龙虾 两款青口 冻虾
刺身有
三文鱼 好唔新鲜 闻落真系臭臭地唔系恶意中伤 只色系暗橙色架 而且白色脂肪系劲多 劲劣
吞拿鱼 反而几好味 无筋 粉红色
鲷鱼 八爪鱼
鳗鱼寿司蟹子寿司
沙律冷盘有
冷面 墨鱼沙律 红菜头芝士沙律 青苹果沙律 火箭菜芝士沙律 红菜头烟三文鱼 烟三文鱼 一款火腿
沙律菜有4款 有紫椰菜
但无左黑醋 记得之前lunch buffet有架
热盘
蒸原条比目鱼 好味啊 呢样真心有诚意 我好钟意食比目鱼 比目鱼块皮真系世界级 食过其他贵d既 buffet都可能得龙利柳 仲要用好多汁捞埋一齐 或炸左佢 极其量都系有中式蒸鱼 但呢间buffet竟然有比目鱼 仲要系清蒸 条鱼一定系新鲜先敢咁整法 真系好味 出街食一块既比目鱼既set可能都过百 唔明点解无乜人拎 而且佢好既系9点之后竟然仲有refill条新鱼 好好味好滑
农家蒸鸡
煎猪排
唔记得乜青口
蒜蓉时蔬
天多利鸡 印式薄饼
印式奶油鸡 印度饭
忌廉薯仔
海鲜炒饭(极少海鲜啰 虾都无 净系揾到缩到劲细粒既蚬)
猪仔肠通粉
即整意粉
烧牛肉同羊肉真系世界级垃圾 未食过咁难食既烧牛肉 佢个牌话慢火煮草饲牛 但劲细块 完全唔似之前系其他buffet食既烧牛肉咁样 仲要系完全熟哂 好样衰 好难咬 无论个样同味道都极似牛展 羊又系劲细块劲难咬 无羊味 真系世界级垃圾世界级无良心 咁既食材都咁比客食
上面d热盘除左比目鱼有encore之外 无再有兴趣食过 仲渣过lunch buffet
粟米鸡肉粥 正常 算系第2好味既热盘 但佢个紫菜配料好酸酸叔叔
仲有青红萝卜汤同蕃茄海鲜汤 但个蕃茄海鲜汤 好似都系揾唔到海鲜
仲有咖啡机可以整espresso同普通coffee
有热茶同柠檬可以整柠檬茶
甜品:
就系之前d打手文post过出黎果堆劲普通既平价buffet蛋糕 但再少多几行 无特别
仲有个即整梳乎里 但佢每次整得5个 见人排我又排 佢第一次整好果阵我咁岩排第5个攞到 后面d人好唔开心haha之后成日见到有堆人系到等梳乎里虎视眈眈住 劲可怜 好心买个大d既炉整多d啦 明知一次得5个实唔够分
最好味真系movenpick雪糕 意大利芝士雪糕劲好味 好多配料拣 全场最出色就系个雪糕档
呢次buffet真系劲失 望 菜式劲唔吸引用埋d最cheap既材料(讲紧个垃圾烧牛肉)(除左比目鱼) 卖广告d菜式又全部无 真系唔知呢个酒店buffet个pr谂乜 请人写食评都系想吸引多d人黎食姐 果d试食既食评家就比最好味既食材 引到d客黎就比垃圾佢地食 货不对办到咁 咁样咪盏搞到d客以后唔黎食
虽然系倾得几开心 (笑下d食物 笑下d梳乎里) 同埋之前lunch buffet食过都感觉良好 对呢间buffet都有少少感情 经理同侍应都有应有既礼貌 比目鱼系我最钟意既菜式 原本想唔比评分 但个系统一定要我比 咁我禁ok啰 呢个食评都系想提醒你地呢个buffet无佢广告卖既食物 而且烧牛肉&羊肉好垃圾 唔想你地去到会失 望 比多50几都可以去九龙富豪食靓龙虾
张贴