Call Me Chef

营业中

休息中

又黎到工厂寻觅美食，见到门口有个蛋糕柜，我就比入面多款千层蛋糕吸引左。晚餐平均百几蚊就已经包汤沙律，主食，甜品同饮品。上网睇得知原来系一间由网店变实店嘅餐厅，整体黎讲系一间值得支持嘅小店。沙律沙律菜新鲜，仲有苹果清甜爽口。餐汤系罗宋汤，汤料几多。香煎柚子鸡腿肉配甜蕃茄烩饭 $128鸡扒好大块，唔鞋仲几滑，因为有柚子酱令到鸡扒甜甜地仲多左清新味道。而茄饭真系甜唔酸，好香蕃茄味。封煎北海度带子配明太子奶油扁意粉 $108 非常推介呢个意粉，奶油味好浓好滑，杰度岩岩好，意粉愈食愈香。带子大大粒，煎到两面少少香脆，锁实肉汁。雪糕雪糕有两种味道，芒果同曲奇味，两味道都好浓。香芋奶盖千层蛋糕 $32芋头味好浓，好似雪米糍咁浓味，而且口感软绵绵，又唔太甜。